Pas deklaratës së fundit në fjalimin e bërë në Vlorë të kryeministrit të Shqipërisë, Edi Rama, ka reaguar kreu i PBDNJ-së, Vangjel Dule.Ai i është kundërpërgjigjur me një status në Tëitter duke thënë se Rama i kishte ofruar shumë herë bakllava por ai e kishte refuzuar.
“E vërteta është se Rama më ofroi shumë herë bakllava dhe po kaq herë e refuzova. Arsyeja: kishte shije të theksuar turke!,” shkruan Dule.
Dule nuk harroi të përmendëte edhe fragmentin nga fjalimi i Ramës për çështjen çame.
“Si mund të tallet dhe poshtërohet çështja çame nga Dashi i Havasë dhe një parti e lindur për të mbrojtur minoritetin të parkohet në garazh që Vangjeli dhe Dashi të hipin në autobus dhe minoriteti t’ju shkojë nga pas. Unë ju them vlonjatshe çamëve të Vlorës: Nëse në fletën e votimit në vend që ta bëni flamur kuq e zi, e bëni biletë autobusi për Dashin e Havasë, jazëk ju qoftë”.
Ndër të tjera Rama pranoi se:
“Nuk kemi bërë asnjë mrekulli, nuk kemi bërë çdo gjë aq mirë sa duket sepse duhet shume e shumë akoma në çdo sektor dhe për çdo grup moshë në Shqipëri. Ama, besoj se ju kemi dhënë mjaftueshëm të gjithë shqiptarëve provën e ambicies, aftësisë dhe vullnetit për ta bërë shtet këtë vend,” u shpreh Rama më herët nga Vlora.
